තිරුකෝවිල් පොලිස් ස්ථානයේ වෙඩි තැබීමකින් පොලිස් නිලධාරීන් තිදෙනෙක් මරුට ස්ථානාධිපති ඇතුළු තිදෙනෙකු රෝහල්ගත කෙරේ

 තිරුකෝවිල් පොලිස් ස්ථානයේ  වෙඩි තැබීමකින් පොලිස් නිලධාරීන් තිදෙනෙක් මරුට ස්ථානාධිපති ඇතුළු තිදෙනෙකු රෝහල්ගත කෙරේ

තිරුකෝවිල් පොලිස් ස්ථානයේ සිකුරාදා රාත්‍රියේ සිදුවූ වෙඩි තැබීමකින් තිරුකෝවිල් පොලිස් ස්ථානයේ පොලිස් නිලධාරීන් තිදෙනෙකු මිය ගිය අතර ස්ථාන භාර නිලධාරි (OIC) ඇතුළු තවත් තිදෙනෙකු රෝහල් ගත කර ඇත

 

ඊයේ සිකුරාදා රාත්‍රී 10.55 ට පමණ තිරුකෝවිල් පොලිස් ස්ථානයේ රාජකාරියේ යෙදී සිටි පොලිස් නිලධාරියෙක් පොලිසියට ඇතුළු වී රාජකාරියේ සිටි තවත් නිලධාරියෙකු සතුව තිබූ ආයුධයක් උදුරා ගෙන ස්ථාන භාර නිලධාරියා ඇතුළු හය දෙනකුට වෙඩි තබා තම වාහනයේ නැගී පලා ගියේය.

මිනිත්තු කිහිපයකට පසු පොලිසිය, හමුදාව සහ විශේෂ බළකාය එම ස්ථානයට කැඳවා විපතට පත් වූවන් බේරා ගැනීමට කටයුතු කරන ලදී.

පසුව එම ප්‍රදේශයේ තරුණයන් සෙබළුන් සමඟ එක්වී තුවාලකරුවන් රෝහල් ගත කර ඇත ,ස්ථානාධිපතිවරයා ඇතුළු තිදෙනා වැඩිදුර ප්‍රතිකාර සඳහා කල්මුණේ රෝහලට ඇතුළත් කර ඇත

වෙඩි තැබීම සිදුකළ බවට සැක කෙරෙන පොලිස් සැරයන්වරයෙකු ටී 56 ගිනි අවි දෙකක් සහ පතොරම් 19ක් සමඟ අත්තිමලේ පොලිසියට භාර වී ඇත 

සිද්ධිය සම්බන්ධයෙන් පොලිසිය වැඩිදුර පරීක්ෂණ පවත්වයි.